Վիպասսանայի ներածություն
Տեխնիկայի ներածությունը
Վիպասսանան հնդկական ամենահնագույն տեխնիկաներից Է: Այն գոյություն է ունեցել
անհիշելի ժամանակներից: Հետագայում մոռացության է մատնվել և նորից վերածնվել 2500 տարի առաջ Գաուտամա Բուդդայի կողմից: Վիպասսանա բառը նշանակում է ընկալել իրերն այնպես, ինչպես իրականում դրանք կան: Այն ինքնամաքրման պրոցես է ինքնահայեցման միջոցով: Ուշադրությունը սևեռումը բնական շնչառությանը բերում է մտքի կենտրոնացման։ Այնուհետև կենտրոնացված սուր մտքով մարդն ուսումնասիրում է մարմնի և մտքի փոփոխական բնույթը, սեփական փորձով բացահայտելով իրերի փոփոխականության, տառապանքի և էգոի անիրական լինելու տիեզերական ճշմարտությունը: Ուղիղ փորձառության միջոցով ճշմարտությանը նման գիտակցումը ինքնամաքրման պրոցես է: Ողջ այս ճանապարհը <Dhamma> սպեղանի է մեր բոլոր խնդիրների համար և կապ չունի որևէ կրոնական որևէ ուղղվածության կամ աղանդի հետ: Հետևաբար այն կարող է ազատորեն կիրառվել յուրաքանչյուրի կողմից ցանկացած տեղում, ցանկացած ժամանակ՝ անկախ ռասսայական կամ կրոնական պատկանելիության և կարող է հավասարապես օգտակար լինել մեկի և բոլորի համար։
Ինչ՞ չէ Վիպասսանան
• Այն կույր հավատի վրա հիմնված ծիսակարգ չէ։
• Այն ինտելեկտուալ և կամ փիլիսոփայական զբաղմունք չէ։։
• Այն հանգստի և զվարճանքի միջոց չէ, և կամ մարդկանց հետ շփվելու հնարավորություն։
• Այն առօրյա կյանքի փորձություններից փախուստ չէ։.
Ինչ՞է Վիպասսանան
• Այն տեխնիկա է, որը արմատախիլ է անում տառապանքը։
• Այն մտքի մաքրման մեթոդ է, որը թույլ է տալիս մարդուն դիմագրավել կյանքի դժվարությունները և պրոբլեմները և լուծել դրանք հանգիստ և հավասարակշռված։
• Այն ապրելու արվեստ է , որը հնարավորության է տալիս ամեն մեկին իր դրական ներդրումը կատարել հասարակության համար։
Վիպասսանան մեծ նպատակներ է հետապնդում, և դա պարզապես ֆիզիկական մարմնի հիվանդությունները բուժելը չէ, թեպետ, մտքի մաքրման շնորհիվ, իրականում շատ հոգեսոմատիկ հիվանդություններ բուժվում են։ Վիպասսանան արմատախիլ է անում մարդկային դժբախտության երեք հիմնական պատճառները՝ ինչ-որ բան կրքոտ ցանկանալը կամ մերժելը և տգիտությունը; Շարունակական պրակտիկայի միջոցով մեդիտացիան թուլացնում է ամենօրյա լարվածությունները, ազատելով կյանքի հաճելի և տհաճ իրադրություններին անհավասարակշիռ ձևով արձագանքելու արմատացած սովորույթներից։
Տեխնիկան աշխատում է այն պարզ սկզբունքով, որ բոլոր մարդկային արարածներն ունեն նույն պրոբլեմները, և այն տեխնիկան, որը կարող է արմատախիլ անել այդ պրոբլեմները, կարող է կիրառվել բոլորի կողմից։ Տարբեր սոցիալական և մշակույթային խմբերի պատկանող մարդիկ զգացել են իրենց վրա Վիպասսանայի օգուտները և որևէ խնդիր չեն ունեցել իրենց մասնագիտության կամ կրոնի պատճառով։
Սեմինարը և անձնական կարգապահությունը
Ինքնահայեցման միջոցով ինքնամաքրման պրոցեսն անշուշտ հեշտ չէ: Մասնակիցները պետք է շատ ջանք թափեն։ Ուսանողները հասնում են ինքնաճանաչման միայն սեփական ջանքերի շնորհիվ։ Ուրիշ ոչ ոք չի կարող դա իրենց փոխարեն կատարել: Ուստի, սեմինարը հարմար է նրանց համար, ովքեր ցանկանում են լրջորեն աշխատել և կարգուկանոն պահպանել ։ Սա արվում է մասնակիցների բարօրության և պաշտպանության համար և սեմինարի անմիջական մասն է կազմում։
Տաս օրն անշուշտ շատ կարճ ժամանակահատված է ենթագիտակցության խորը շերտերը թափանցելու և սովորելու, թե ինչպես ազատվել խորքում գտնվող բարդույթներից: Հետևաբար պրակտիկայի շարունակականությունն է տեխնիկայի հաջողության գրավականն է։ Օրենքներն ու կանոնները մշակվել են օգնելու պրակտիկայի շարունակականությանը։ Դրանք ուսուցչի կամ սեմինարն անցկացնողների օգուտի համար չեն կամ ինչ-որ կույր հավատի արտահայտությունը չեն, այլ հիմնված են հազարավոր մարդկանց պրակտիկ փորձի վրա և ունեն գիտական ու ռացիոնալ հիմք։ Կարգուկանոնը պահպանելը ստեղծում է շատ բարենպաստ միջավայր, իսկ դրանք չկատարելը փչացնում է մթնոլորտը:
Կանոնները պետք է ուշադիր կարդալ՝ դրանց մասին պատկերացում կազմելու համար։ Միայն այն անձինք, ովքեր կարող են ազնվորեն և մանրակրկիտ կերպով հետևել կարգ ու կանոնին, կարող հն դիմել մասնակցության համար: Նրանք ովքեր պատրաստ չեն այս ջանքերին, կարող են կորցնել իրենց ժամանակը, ավելին կարող են խանգարել նրանց, ովքեր ուզում են լրջորեն աշխատել: Սեմինարին բոլոր 10 օրերին մասնակցելը պարտադիր է։ Պոտենցիալ մասնակիցը պետք է հասկանա, որ անցանկալի է թողնել կուրսը և հեռանալ առանց ավարտելու, համարելով, որ շատ խիստ է կարգուկանոնը։ Առավել վատ է , եթե բազմաթիվ դիտողություններից հետո, ստիպված մասնակցին խնդրվում է լքել սեմինարը։
Մասնակցություն սեմինարին
Ծանոթանալով կարգ ու կանոնին միայն կարող եք դիմում ներկայացնել. սեմինարին մասնակցելու համար։
